Sin categoría

A CIENCIA SAE Á RÚA

Aínda que este ano non se puido facer a xa tan celebrada Semana da ciencia en colaboración cos outros centros de ensino de Caldas, o alumnado do AQUIS non deixou pasar a oportunidade de mostrar e compartir con todos nós o seu saber científico, que é moito e moi interesante.

De volta!

Benvidas e benvidos a este curso tan atípico.

Debido ás estrañas circunstancias que estamos vivindo, a biblioteca non estará accesible para o alumnado; mais isto é só referido ao espazo físico, pois segue a compartir os seus fondos con toda a comunidade educativa.

E como?

Moi fácil. Non tes máis que enviar un e-correo a iescaldasletras@gmail.com no que conste o teu nome e apelidos, curso e grupo e o título e autor do libro. A persoa encargada da biblioteca levaracho á aula.

Lembra que podes dispoñer del 15 días, renovables a outros 15. Despois, o libro volverá á biblioteca seguindo o mesmo procedemento.

Bótalle un ollo ao vídeo sobre a organización do curso. Tamén se explica o funcionamento da biblioteca.

Ah, e se tes suxestións que facernos, emprega a mesma canle.

Ánimo. E aproveitade para ler

LetraS Sen confinamento

Entramos na semana das Letras, este ano dedicadas ao profesor Ricardo Carvalho Calero; mais que, debido ás circunstancias derivadas da pandemia provocada polo Covid-19, adiaranse ata o mes de outubro.

Desde a nosa biblio pospoñemos tamén a nosa homenaxe; aínda así queremos celebrar as nosas letras coas lecturas compartidas polo noso alumnado durante este período.

COMEZAMOS!!!!!!

Observade, escoitade e desfrutade co vídeo que realizou a nosa alumna de 3º A, Inés Blanco.

Haikus

E seguimos coas actividades do Día do Libro.

O Equipo de Dinamización do Aquis comparte con nós estas breves creacións poéticas creadas a partir de títulos de libros.

Porque este é un bo momento para seguir lendo.

Porque cada libro é unha porta aberta ao mundo.

Porque esperta a imaxinación.

Porque estimula os sentidos.

Queda na casa, cun libro!