Novidades

Día internacional do libro infantil e xuvenil

Hoxe, 2 de abril, é o Día Internacional do Libro Infantil e Xuvenil e o noso último premio Nacional de Literatura Infantil e Xuvenil, Antonio García Teijeiro, agasállanos cun seu poema da obra Poemar o mar.

Agora, por que non es ti quen nos agasalla cun poema na túa voz. E ademais podes presentalo a concurso. Anímate!!

Grazas, Mestre!!!

Benvida da biblio do Aquis

Ola a todos e todas!

O equipo de profesoras e profesores da biblio do Aquis (Ana, Pedro, Chus, Pedro, María, Cristina, Elena, Marga, Merce, Alberto e Rexina) coordinados desde agora por Maite, quere darvos a benvida á nosa biblio neste novo curso. Antes de nada queremos agradecer a todo o profesorado e alumnado que traballou o curso pasado nela actualizándoa, repoñendo, dinamizando… especialmente á súa coordinadora Begoña Fontenla.

Os e as que xa estivestes no Aquis en cursos anteriores sabedes que aquí atoparedes non só os libros de lectura obrigatoria, que tamén, senón unha ampla e variada oferta de libros, música, películas, revistas… polo que animamos o novo alumnado  a facer uso do que podemos ofrecer e recomendar. Preguntade o que non saibades…

Temos moitos proxectos para este curso:

  • Queremos seguir co Club de lectura IESCALDASLETRAS,  un grupo de lectoras e lectores que nos reunimos os martes a mediodía cada 15 días, para ler, comentar, recitar, gozar…
  • Estamos a darlle voltas a un novo proxecto interdisciplinar, como os de cursos anteriores, lembrades?: Os nenos da varíola e As palabras no camiño, disfrutamos moito con estes traballos e a verdade é que están moi ben feitos (aínda que quede mal que presumamos…)
  • Temos idea de botar a andar a Radio no Aquis en colaboración co equipo de Normalización e Dinamización da Lingua;
  • Seguiremos incorporando novidades en libros, música e películas…

e para todo iso (e o que veña…) queremos contar contigo.

Anímate a ser biblio no Aquis!! Empezamos…

Novidades 3º trimestre

Para o que queda de trimestre e para o verán, aquí tendes as recomendacións da biblioteca. Hai de todo; poesía, narrativa, banda deseñada e ensaio. Todo tipo de temáticas: igualdade, inmigración, evolución humana, identidade afectivo-sexual… mesmohai novela negra en galego!

Esperamos que vos gusten, que leades moito, que reflexionedes e, sobre todo, que vos divirtades!